Екпе алатын оқушылардың тізімі жасалып жатыр деген сыбысқа ресми түсінік берілді

Алматы қалалық денсаулық сақтау басқармасы мектептерде вакциналау үшін 12 жастан асқан балалардың тізімі жасалып жатыр деген қауесетті жоққа шығарды, деп хабарлайды zakon.kz.

Орталық коммуникациялар қызметінде өткен брифингіде Алматы қаласының бас дәрігері Нариман Табынбаевқа: "Мектептерде 12 жастан асқан балалар арасында екпе жасатқысы келетіндердің тізімін жасау тапсырылғандығы рас па" деген сұрақ қойылды.

Табынбаев бұл ақпаратты жоққа шығарды.

Балаларды вакцинациялау - бұл өте маңызды мәселе. Ол ата-ананың рұқсатымен ерікті түрде жүргізіледі. 12-17 жас аралығындағы жас құрамына тек мектеп оқушылары ғана емес, сонымен қатар 18 жасқа толмаған бірінші курс студенттері де кіреді. Біз қазір тізімдер дайындап жатқанымыз жоқ, бұл алып-қашпа сөз деп санаймын. Біз түсіндіру жұмыстарын бастап, ата-аналар ерікті түрде келісімін бергенде ғана вакцинаны алғысы келетін қанша бала бар екенін біле аламыз, - деп жауап берді ол.

Бұған дейін хабарланғандай, жүкті әйелдер мен балаларға төртінші тоқсанда Қазақстанға жеткізілетін Pfizer вакцинасы салынуы мүмкін.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021