Алматыда кәмелетке толмаған қызды әкесі бірнеше күн зорлаған

видеодан кадр видеодан кадр
Туған әкенің қорлығы.

Алматыда кәмелет жасына толмаған қызды өз әкесі бірнеше күн зорлаған. Ата-анасы 1 жасар кезінде ажырасып кеткен 15-тегі жасөспірім "асқар тауым ғой "деп іздеп келіп, онымен жақында ғана танысқан екен. Алайда, бұрын сотталған азғын өз перзентінің абыройын айрандай төккен, деп хабарлайды "Еуразия" бірінші арнасы.

Татьяна Король, "НеМолчиKz" қоғамдық қоры қамқоршылық кеңесінің мүшесі:

20 қыркүйекте "НеМолчи" қорының жедел желісіне кәмелет жасына толмаған қыз телефон шалып, зорланғаны туралы хабарлаған. Оны қорлаған туған әкесі екен. Қаскөй оны 16 қыркүйектен 19-на дейін зорлапты. 19 күні қыз зорланған сәтін диктофонға жазып алыпты.

Осы уақытқа дейін жасөспірім анасымен Алматы облысында тұрып келген. Биыл Алматыдағы колледждердің біріне оқуға түсіпті. Тұратын жері болмағандықтан, анасы оны туған әкесінің үйіне жіберіпті. Ал ер адам болса 2008 жылы кәмелетке толмаған баланы зорлағаны үшін 10 жылға сотталып, 4 жыл бұрын түрмеден шыққан екен. Тергеу барысында жасөспірім біраз сұмдықтың бетін ашқан. Оған алғаш 5 жасында өгей әкесі сексуалдық сипаттағы зорлық-зомбылық көрсетіті. Ал 9 жасынан бастап тағы бір өгей әкесі зорлаған. Бұл жайлы анасы мен жақындары білсе де, жұмған ауыздарын ашпапты. Қазір жәбірленуші әлеуметтік бейімдеу орталығында. Анасына баруға үзілді-кесілді қарсы. Ал қызын зорлаған 51 жастағы ер адам ұсталып, тергеу жүруде.

Дәулет Есмырзаев, қалалық полиция департаменті баспасөз қызметінің инспекторы:

Бұл факті ҚР Қылмыстық кодексінің 120-бабының 3-бөлігі бойынша сотқа дейінгі тергеудің бірыңғай тізіміне енгізілді. Күдікті ұсталды. Сот қамауға алу түріндегі бұлтартпау шарасын таңдады.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз