БҚО-да бір ауыл тұрғындары балаларын үйден шығаруға қорқып отыр

deon.pl deon.pl
Ата-аналардың айтуынша, 6-дан бастап 9-шы сыныпқа дейінгі оқушыларды ересектер соққыға жығуды әдетке айналдырған.

Батыс Қазақстан облысындағы Бәйтерек ауданына қарасты Достық аулының тұрғындары баламызды мектепке жіберу түгілі, үйден шығаруға қорқамыз дейді. Ата-аналардың айтуынша, 6-дан бастап 9-шы сыныпқа дейінгі оқушыларды ересектер соққыға жығуды әдетке айналдырған, деп хабарлайды zakon.kz.

Астана телеарнасының хабарлауынша, бұл қылығын ауыл тентектері "тәрбие жұмысы" деп түсіндіріпті. Яғни, жасы кіші балалар үлкендерге ұдайы амандасып, сыпайы болуды талап еткен. Ал бұған көнбегендерді соққыға жығып, қалғандарын қорқытып-үркітуге кіріскен. Амалы таусылған ата-аналар полицияға да шағымданып, арыз жазыпты.

Наталья КОРКИНА, ЖӘБІРЛЕНГЕН ОҚУШЫНЫҢ АНАСЫ:

Балалардың денесіне дақ түсірмей, бүйрегінен, жұмсақ жерінен ұрады. Тіпті, бетінен ұрғанда өзіне ыңғайлы болуы үшін оқушыларды жүрелеп отырғызып қойған. Ұлыма белгісіз біреулер телефон шалып, үйден жиі кетіп қалады. Кім шақырып жатқанын да айтпайды. Ұрғандардың ішінде жоғары сынып оқушылары, мектеп түлектері, тіпті студенттер де бар.

Ал мектеп директоры мұны теріске шығарды. Ата-аналар асыра сілтеді дейді. Бұл оқиғадан құқыққорғаушылар да хабардар. Жауаптылар білім ордасындағы жағдай бақылауда деп сендірді.

Светлана ГОЛУБЕВА, БӘЙТЕРЕК АУДАНЫ БІЛІМ БЕРУ БӨЛІМІ "ДОСТЫҚ" ЖОМ ДИРЕКТОРЫ:

Бір-бірімен келіспей, сөзге келіп қалған. Соның ішінде бір-біріне бір-бір шапалақтан берген. Ол болған. Бірақ біз бұл мәселені көтеріп, содан кейін балалармен де сөйлестік, ата-аналармен де сөйлестік. Балалар бір-бірінен кешірім сұрап, өздерінің қателіктерін шешіп, сондай жағдай болды.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз