Атырауда алаяқтар құлаған қызды жерлеуге ақша жинауда

Атырауда алаяқтар алтыншы қабаттан құлаған қызды жерлеу үшін қаражат жинауды бастады, деп хабарлайды zakon.kz.

Облыстық ПД мәліметінше, полицияға қайтыс болған баланың анасы арыз берген.

Ол әлеуметтік желілерде жалған ақпарат таратылғанын айтты. Белгісіз адам оның қызын жерлеуге қаражат жинай бастаған екен.

Аталған факті бойынша ҚР ҚК 190-бабының 4-бөлігі "Алаяқтық" бойынша қылмыстық іс тіркелді. Күдіктіні іздестіру жүргізілуде. Полицейлер алаяқтарға сенбеуге шақырады, - делінген хабарламада.

20 қазанда Нұрсая ықшам ауданындағы көп қабатты үйлердің бірінің алтыншы қабатынан 5 жасар бала құлап кетті. Қыз облыстық Балалар ауруханасының жансақтау бөлімінде қайтыс болды.

Бақытжан Отарбаева