Жаңалықтар тізбегі
0

Ауғанстанда волейболшы қыздың басын шапқан

@oyevivekk/Twitter, сурет - Zakon.kz жаңалық 23.10.2021 05:34 @oyevivekk/Twitter
Дегенмен Халықаралық волейбол федерациясы қыздың өлімінің шынайы себебі туралы қарама-қайшы мәліметтер бар екенін атап өтті.

Ауғанстан билігіне келген Талибан қозғалысының (Қазақстанда тыйым салынған ұйым) мүшелері елдегі жастар құрамасында өнер көрсететін волейболшы қыз Махжабин Хакимиді өлім жазасына кесті, деп хабарлайды zakon.kz.

Inside Games хабарлағандай, қыздың өлтірілгені қазан айының басында белгілі болды, бірақ оқиға осыған дейін құпия ұсталып келген. Кабулда Хакимидің басы шабылып, суреттері жергілікті әлеуметтік желілерде жарияланды.

Осы уақыт ішінде марқұмның туыстары қатты қорыққандықтан тырс деп үндей алмаған. Хакимидің жаттықтырушыларының бірі волейбол командасының барлық ойыншылары мен қалған спортшылардың жағдайы нашар екенін, бойларын үрей мен қорқыныш жайлап алғанын айтты.

Халықаралық волейбол федерациясы (FIVB) Хакимидің өлім жазасы туралы хабарларға қатысты тергеуді бастады. Ұйым спортшының өлімі туралы әртүрлі нұсқалар бар екенін атап өтті.

Халықаралық волейбол федерациясы кейбір бұқаралық ақпарат құралдарында Махжабин Хакимидің қайғылы өлімі туралы хабарларды естігенде қатты таң қалды. Алайда, оның өлімінің шынайы себебі туралы қарама-қайшы мәліметтер бар екенін атап өткен жөн. Сондықтан FIVB нақты мәліметтерге қатысты түсініктеме іздеуді жалғастыруда, - деп хабарлайды ТАСС ұйымның баспасөз қызметіне сілтеме жасап.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: