Өзбекстанда президенттік сайлау басталды
saylov.uz
24 қазанда таңертең Өзбекстанда президент сайлауына дауыс беру басталды, деп хабарлайды zakon.kz.
Сайлау учаскелері жергілікті уақыт бойынша 08: 00-де (Нұр-Сұлтан, 09:00) ашылды.
Елде ресми түрде жұмыс істейтін бес саяси партияның барлығы да кандидаттарын тіркетті. Сарапшылардың пікірінше, сайлаудағы жеңіске негізгі үміткер Өзбекстанның ең ірі либералдық-демократиялық партиясы (UzLiDeP) ұсынған қазіргі президент, 64 жастағы Шавкат Мирзиёев болып қала береді, деп жазады РИА Новости.
Ол "Ұлттық жаңғыру" демократиялық партиясының төрағасы Әлішер Қадыровпен, Экологиялық партиядан үміткер Нарзулла Абламұрадовпен, "Әділет" социал-демократиялық партиясының өкілі Бахрам Абдухалимовпен және Халықтық-демократиялық партиядан үміткер Мақсуд Варисовамен бәсекеге түседі.
Дауыс беру сағат 20:00-ге дейін (Нұр-Сұлтан уақыты бойынша 21:00) жалғасады. Өзбекстан бойынша барлығы 9 925 сайлау учаскесі құрылды, шетелдегі дипломатиялық өкілдіктеріндегі пункттерді қосқанда тағы жүзге жуық сайлау учаскесі жұмыс істейтін болады. Орталық сайлау комиссиясы сайлаушылардың бірыңғай электрондық тізіміне 19,9 миллионға жуық адамды енгізді. Оның үстіне 14-20 қазан аралығында өткен кезектен тыс дауыс беруге 400 мыңнан астам азамат қатысты.
