Қаскелеңде жеңіл көліктің терезесіне мінген жігіт қаруын көкке кезеп, оқ жаудырды

23 қазанда Қаскелеңде жеңіл көліктің терезесіне мінген жігіт жолдың қақ ортасында қарудан оқ атты, деп хабарлайды zakon.kz.

Оқыс оқиға 23 қазан күні кешкі сағат 17:30 шамасында үйлену тойы кезінде болғаны анықталды.

Іздестіру іс-шараларының нәтижесі бойынша полицейлер аспанға оқ атқан адамды анықтады, ол 25 жастағы Қарасай ауданының тұрғыны болып шықты. Оған қатысты ҚР Қылмыстық кодексінің 293-бабы 3-бөлігі (Бұзақылық) бойынша қылмыстық іс қозғалды, - дейді Алматы облыстық ПД баспасөз қызметі.

Мерседес автокөлігі айыппұл тұрағына қойылды, Қазақстан Республикасының Әкімшілік құқық бұзушылық туралы кодексінің 590-бабы, 2-бөлігі бойынша әкімшілік хаттама толтырылды.

Тәртіп бұзушыларды Қазақстан Республикасының қолданыстағы заңнамасының нормаларына сәйкес жауапкершілікке тарта отырып, автоколоннаның басқа қатысушыларын анықтау шаралары жүргізілуде.

Оқи отырыңыз

Алматыдағы түңгі клубта арнайы операция өткізілді

11:03, 25 сәуір 2024

Қазақстанның екі облысында жоғары лауазымды полицейлер қайтыс болды

10:29, 25 сәуір 2024

Атырау облысының полициясы егіз баланы зорлау фактісіне қатысты тың мәліметпен бөлісті

17:13, 24 сәуір 2024