Сәкен Бибосынов Олимпиада чемпионы Хасанбой Дусматовты жеңді

Кешкі бағдарлама 2016 жылғы Олимпиада чемпионы, өзбекстандық Хасанбой Дусматов пен Токио Олимпиадасының қола жүлдегері қазақстандық Сәкен Бибосыновтың жекпе-жегімен басталды.

Белградта бокстан әлем чемпионатының өтіп жатқанына - екінші күн, деп хабарлайды zakon.kz.

Қазақстандық жанкүйерлер турнирдің кешкі сессиясының басталуын асыға күтті. Кешкі бағдарлама 2016 жылғы Олимпиада чемпионы, өзбекстандық Хасанбой Дусматов пен Токио Олимпиадасының қола жүлдегері қазақстандық Сәкен Бибосыновтың жекпе-жегімен басталды.

Қазақстандық үш раундта да басымдыққа ие болып, жекпе-жекті жеңіспен аяқтады. Осылайша, Белградта өткен әлем чемпионатының алғашқы сенсациясын Сәкен Бибосынов ұсынды.