Жамбыл облысында дизель толы цистерналар өртенді

Жамбыл облысының Жамбыл ауданындағы Аса ауылында газ өңдеу зауытынан өрт шықты, деп хабарлайды Zakon.kz.

Өрттің видеосы Instagram-да жарияланды.

Посмотреть эту публикацию в Instagram

Публикация от Тараз LIFE (@taraz_life)

Жамбыл ауданының әкімдігі "Амангелді ГӨЗ" ЖШС Тараз филиалының аумағындағы өрт туралы ақпарат сағат 12:00-де келіп түскенін хабарлады.

Көлемі 240 текше метр екі дизель резервуары жанғаны анықталды, деп нақтылады Жамбыл ауданы әкімдігінің баспасөз қызметі.

Өртті сөндіруге облыстық ТЖД-ның 75 қызметкері жұмылдырылды.

Өрт сағат 12:54-те ауыздықталды, қаза тапқандар мен зардап шеккендер жоқ. Өрттің шығу себебі анықталуда, деп қосты Жамбыл ауданы әкімдігінің баспасөз қызметі.

Зауыт аумағы қоршалып, кәсіпорын қызметкерлері эвакуацияланғанын атап өтті.

Бақытжан Отарбаева