Жаңалықтар тізбегі
0

Қазақстандықтар Қарағанды әуежайында цифрлық жеке куәлікті қолдана алады

Цифрлық куәлік, сурет - Zakon.kz жаңалық 29.11.2021 15:30 Сурет: Air Astana
Цифрлық құжаттар сервисі пилоттық тәртіпте іске қосылды.

Қарағанды қаласының әуежайында жеке мәліметтерді растау үшін "e-Gov Mobile" қосымшасы арқылы цифрлық жеке куәлікті қолдану мүмкіндігі пайда болды, деп хабарлайды Zakon.kz.

Бұған дейін мұндай қызмет Нұр-Сұлтан, Алматы, Ақтөбе, Шымкент, Түркістан, Ақтау, Атырау, Тараз және Петропавл қалаларында іске қосылған болатын.

Әуежайда цифрлық жеке куәлікті пайдалану үшін eGov mobile жүйесінде авторланған азамат "Цифрлық құжаттар" сервисіне кіріп, тізімнен өзінің жеке куәлігін таңдауы тиіс. Әуежайдағы тіркеу орнында, сондай-ақ ұшу алдындағы тексеруден өту кезінде смартфон экранынан сервистегі QR-кодты көрсету керек. ҚР ЦДИАӨМ баспасөз қызметі

Цифрлық жеке куәлікті ел ішіндегі рейстерде пайдалану мүмкіндігін қамтамасыз ету үшін Цифрлық даму, инновациялар және аэроғарыш өнеркәсібі министрлігі, Индустрия және инфрақұрылымдық даму министрлігі, "Қазақстанның авиациялық әкімшілігі" АҚ, Қазақстан Республикасының авиакомпаниялары мен әуежайлары және "Ұлттық ақпараттық технологиялар" АҚ жүйелерін интеграциялау бойынша бірлесе жұмыс атқарды.

Цифрлық құжаттар сервисі пилоттық тәртіпте іске қосылды және бұл мүмкіндік, әзірше Нұр-Сұлтан, Алматы, Ақтөбе, Шымкент, Түркістан, Ақтау, Атырау, Тараз, Петропавл және Қарағанды қалаларының арасындағы рейстерде ғана қолжетімді.

Пилоттық жоба болғандықтан, бұл сервисті қолдануды жоспарлаған жолаушылар өзімен бірге жеке куәлігінің түпнұсқасын да алғаны жөн.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: