Қазақстан тумасы UFC Vegas турнирінде жаңазеландиялықты нокаутқа жіберді

Рафаэль 1993 жылы 5 наурызда Қазақстанда дүниеге келген, кейін оның отбасы Қырғызстанға көшіп кетті

Лас-Вегаста (АҚШ) UFC APEX стадионында UFC Fight Night (on ESPN 31) турнирінің басты жекпе-жегі өтті. Шаршы алаңда Жаңа Зеландия өкілі Брэд Ридделл және Қазақстанның тумасы Рафаэль Физиев кездесті, деп хабарлайды Zakon.kz.

Жекпе-жек үш раундқа есептелген болатын, алайда ол мәреге жетпей-ақ, үшінші бес минуттықта Физиевтің айналып келіп тепкен соққысынан кейінгі нокаутпен аяқталды, деп жазады Sports.kz.

Рафаэль 1993 жылы 5 наурызда Қазақстанда дүниеге келген, кейін оның отбасы Қырғызстанға көшіп кетті. Бұған дейін Физиев діни қудалауға байланысты бұл елдің атынан жекпе-жекке шығудан бас тартқанын айтқан болатын.