Жаңалықтар тізбегі
0

Қазығұртта көлік тізгіндеген жасөспірім полициядан қашып, жол апатына ұшырады

Жол апаты, сурет - Zakon.kz жаңалық 05.12.2021 12:37 Сурет: Қазығұрт АПБ баспасөз қызметі
Кәмелетке толмаған жасөспірім Қазығұрт аудандық ауруханасына түрлі дене жарақаттарымен жеткізілді

4 желтоқсанда түстен кейін Қазығұрт АПБ патрульдік полиция қызметкерлері кәмелетке толмаған бала тізгіндеген "ВАЗ-21214" маркалы автокөлікті байқады, деп хабарлайды Zakon.kz.

Полицейлердің заңды талаптарына жүргізуші бағынбай, бағдаршамның қызыл түсін де елемей, қарсы келе жатқан көліктерді басып озып, оқиға орнынан қашты. Оның ізіне түскен полиция жол ережесін бұзушыдан "көлікті дереу тоқтатуды" талап етті. Алайда жүргізуші полиция қызметкерлерінен қашуды жалғастырып, ақыры жоғары жылдамдықпен темір қоршауға барып соғылды. Қазығұрт АПБ баспасөз қызметі

Нәтижесінде кәмелетке толмаған жасөспірім Қазығұрт аудандық ауруханасына түрлі дене жарақаттарымен жеткізілді.

Тексеру барысында тізгінде бала отырған "ВАЗ-21214" маркалы автокөлігі Қазығұрт ауданындағы ЖШС-нің біріне тиесілі екені анықталды. Ол жасөспірімнің әкесінікі екені белгілі болды. Ол көлігін жұмысы жанындағы тұраққа қалдырып кеткен. Баласының көлікті рұқсатсыз пайдаланғаны белгілі болды.

Бүгінгі күні ҚР ҚК 200-бабының 1-бөлігі, "Автомобильді немесе өзге де көлік құралдарын ұрлау мақсатынсыз заңсыз иелену" бойынша сотқа дейінгі тергеу қолға алынды. Автокөлік айыппұл тұрағына қойылды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: