Алматыда VIII Халықаралық математика, физика және информатика мұғалімдерінің форумы өтті

Математика ғылымы Сурет авторы: Әсет Құндақбаев
Пандемия жағдайында  технологиялардың дамуы және онлайн білімнің әсері. Сарапшылар пікірі

5 желтоқсанда Алматыда VIII Халықаралық математика, физика және информатика мұғалімдерінің форумы өтті, деп хабарлайды Zakon.kz.

Форумға Асқар Жұмаділдаев, Мұхтар Өтелбаев, Қайрош Мәкішев, Аягүл Миразова секілді белгілі математиктер қатысты. Мәжіліс депутаты Ирина Смирнова мен басқа да білім беру саласының білгірлері келді. Мамандар пандемиядан кейінгі білім беру саласындағы қордаланған проблемаларды көтереді. Атап айтқанда, білім беру жүйесіндегі проблемалар, оқушылар арасындағы теңсіздік, Edtex саласындағы инновациялар, онлайн-білім берудегі мемлекеттік тапсырыстың бөлінуі, үштілділік және тағы басқа.

Форумда еліміздің білім беру саласындағы онлайн платформалардың негізін қалаушылар Еdtex саласындағы инновациялар мен жалпыхалықтық сауатсыздық қаупі жайындағы тақырыптар бойынша ойларын ортаға салды. 

Мамандардың айтуынша, пандемия білім саласындағы онлайн ресурстардың жан-жақты дамып, сапалы контент санын көбейтуіне оң әсер еткен. «Daryn online» платформасының директоры Асқар Мақсаттың айтуынша, пандемия басталғанда көптеген отандық платформалар халықтың сұранысын қамтуға дайын болмаған.

2020 жылы пандемия басталған кезде біздің өзіміздің онлайн стандарттарға сәйкес дайындаған 1500-ге жуық видеосабақтар болған. Аталған сабақтар 5-11 сыныптарға арналған еді. Соны біз мемлекетке ұсынып, сол арқылы 2019 жылдың 4 тоқсаны басталған кезде онлайнға ең бірінші қадам басқан едік. Бірақ, пандемия басталғанда көптеген платформалар халық сұранысын қанағаттандыруға дайын болмады. Одан бөлек, интернет мәселесі қиындық туындатты. Сол жылғы статистика мәліметтеріне қарасақ: «Қазақстанның 80% интернетпен қамтылған» делінген. Бірақ біздің есептеуіміз бойынша, халықтың 40% ғана интернетпен қамтылды. Пандемия болмағанда онлайн контентке 2025 жылы ғана толықтай көшер едік.«Daryn online» платформасының директоры Асқар Мақсат

Математика форумы

Сурет авторы: Әсет Құндақбаев

Ал тәуелсіз «
JOO.kz» платформасының директоры Қанат Өксікбаев пандемия онсыз да жүйесіз дамып келе жатқан білім сапасын төмендетіп жібергенін алға тартып отыр.

Жалпы пандемияда білім сапасы төмендеді. Бірақ жалпы ерте ме, кеш онлайн білім беру келер еді, пандемия осы процессті жылдамдатты. Уақыт өте келе онлайн өсіп, дамиды. Одан бөлек, пандемия еліміздегі білім саласындағы «теңсіздіктерді» ашық көрсетті.  Бірақ онлайн білімнің арқасында ауылдық жердің оқушысы да, қалалық гимназияның тәрбиеленушісі де EdTech білім саласындағы технологияларды пайдаланып, сапалы контентті бірдей тұтына алатын деңгейге жетті.Қанат Өксікбаев

Сондай-ақ, мамандар пандемия оқушы мен мұғалім арасындағы байланысты азайтып, салдарынан оқушылардың сабақ оқуға деген құлшыныстары төмендеді дейді. «Alpha Academy» клиенттік сервисінің директоры Талшын Ниязханова ата-аналар тарапынан шағымдар көп екенін жасырмады.

Пандемиядан келген кезде ата-аналардың айтатыны – бір жыл балам білімін жоғалтты. Оның бәрін қалыптастыру өте қиын. Кейбір балалар өз бетімен оқи алады, ал кейбір балаларға орта керек. Әрине, онлайн оқыған балалар көп болды, біз оларды арнайы платформа арқылы оқыттық. Дегенмен ата-аналар офлайн форматты көбірек сұрайды. Себебі, офлайнда оқушы мен ұстаздың байланысы тығызырақ. Баланың эмоциясын, сабаққа деген құлшынысын байқай отырып, сабақ өту мұғалімдерге де нәтиже береді. Біз онлайн білім саласының кемшіліктері мен жетістіктерін бірдей байқап отырмыз. Мультимедиалық оқу жүйесіне ерте ме, кеш пе көшетін едік. Пандемия осы үрдісті жылдамдатты. Сәйкесінше, осының әсерінен аталған саладағы қордаланып қалған мәселелер тез шешімін тауып отыр. Ата-аналар онлайн білімге машықтанып, балаларын да интернетті сауатты пайдалануға дағдыландыруы керек.Талшын Ниязханова

Форумда айтылған ұсыныстар жүйеленіп, «Математика пәндері мұғалімдері қауымдастығы» атынан Білім және Ғылым министрлігіне жолданады.  

 

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз