Назарбаев Путин жайлы: Айтты ма, бітті, айтқанын орындайды...

Елбасы, сурет - Zakon.kz жаңалық 07.12.2021 22:15

Сурет: РФ Президентінің баспасөз қызметі

Елбасы Ресей көшбасшысымен арада болған алғашқы әңгімесін еске алды

Қазақстанның Тұңғыш Президенті америкалық режиссер Оливер Стоунға берген сұхбатында Ресей президенті Владимир Путин туралы не ойлайтынын айтты, деп хабарлайды Zakon.kz.

"Қазақ. Алтын адам тарихы" фильмінде Елбасы Ресей басшысын не құрметтеу керектігін айта отырып, Путиннің өз елінің патриоты әрі сөзінде тұратын адам екенін ерекше атап өтті.

Ол құрметке лайық. Біріншіден, оның өзіндік принциптері бар. Екіншіден, ол айтты ма, бітті, айтқанын орындайтын. Бұл саясаткерде сирек кездесетін қасиет. Егер сөз берсе әрі уәде етілген нәрсе өзіне зиян келтіретін болса да ол оны бәрібір орындайды. Арада өткен жылдар оның достарын сатпайтынын көрсетеді, яғни достыққа адал. Нұрсұлтан Назарбаев

Елбасы Ресей көшбасшысымен арада болған алғашқы әңгімесін еске алды.

Біздің арамызда бетпе-бет бір әңгіме болды, бір-бірімізге деген толық сенімнің бастауы болған. Содан бері 20 жыл ішінде біздің қарым-қатынасымыз тек дамып отырды, нашарлаған емес... Ол алғаш келгенде ешқандай тәжірибесі болмаған, содан кейін біртіндеп оны жинақтай бастады, сондықтан да мен оны адам ретінде де, саясаткер ретінде де бағалап, құрметтеймін. Нұрсұлтан Назарбаев

Сондай-ақ, ол Ресей Президентінің Батыстағы кейбір сыншыларының бағасын "тайыздық" деп санайтынын атап өтті.

Батыста оны Гитлермен қатар қойғандай етіп, көрсетіп жатқанын естимін, әрине бұл барып тұрған "тайыздық". Иә, ол КГБ қызметкері, бірақ онда ұзақ уақыт жұмыс істемеген, мамандығы бойынша заңгер, КГБ қызметкерлерін әрдайым студенттер арасынан іріктеп алатын. Мен оны адам ретінде де, саясаткер ретінде де бағалап, құрметтеймін. Нұрсұлтан Назарбаев

Оқи отырыңыз