Жаңалықтар тізбегі
0

Отандық туынды Германиядағы кинофестивальде үздік атанды

Кино, сурет - Zakon.kz жаңалық 17.12.2021 11:27 Сурет: Facebook/salemsocialmedia
Қазақстандық "Мыстан" веб-сериалы Германиядағы Webfest Berlin халықаралық фестивалінде үздік атанды, деп хабарлайды Zakon.kz

Кек алуды мақсат еткен үш әйел туралы әлеуметтік драма "Үздік драмалық қысқа сериал" номинациясына ие болды.

Аталған номинация үшін "Мыстан" веб-сериалымен қатар ресейлік Strings, Dead Center (Австралия), Arthur - 2 season (Швейцария) және Филиппин елінің кинотуындысы Meet Me Outside таласқа түсті.

Биылғы фестивальге қатысу үшін әлемнің 60 мемлекетінен 2000-нан астам өтінім түскен. Шешуші кезеңге Франция, Испания, АҚШ, Бразилия, Канада, Қазақстан, Швейцария, Польша, Ресей және Австралияның 27 веб-жобасы өтті.

Халықаралық фестивальдегі қазылар алқасының құрамында неміс актері Ханнес Хеллманн (Өмір ғажап, Роберто Бениньи), Beta Film GmbH халықаралық сатылымдар мен сатып алулар жөніндегі вице-президенті Леонид Годик, Webfest Berlin-нің негізін қалаушы Мередит Беркхолдер мен режиссер, продюсер әрі актер Ерден Төлемісов болды.

Контент-индустрия жыл сайын жаңарып, дамып жатыр. Бұл құбылыс веб-сериалдарға оң ықпал етті. Бүгінде жобалардың сапасы мен желісі теңесіп келеді, бұл – жақсы жаңалық. Осыдан 3-4 жыл бұрын режиссерлік дебют үшін жүлделі болғандардың қатарында мен де болдым. Сонда мен шетелдік әріптестеріме жақында қазақстандық жобалардың таңқалдыратынын айтқан едім. Актер Ерден Төлемісов

Режиссер Ернар Нұрғалиев "Мыстан" веб-сериалынан қоғамды толғандыратын көптеген сұрақтарға жауап табуға болатынын айтты. Мұнда әділетсіздіктің құрбаны болған әйелдердің оқиғалары суреттеледі.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: