Биолог «омикрон» штаммнан қорғанудың екі тәсілін айтты

Биология ғылымдарының докторы, Джордж Мейсон университетінің (АҚШ) жүйелік биология мектебінің профессоры Анча Баранова бетпердені дұрыс тағу және дәріханаларға барудан бас тарту коронавирустың "омикрон" штаммынан қорғауға көмектесетінін айтты, деп хабарлайды Zakon.kz

Lenta.ru мәліметінше, ең алдымен, биолог медициналық бетпердені тек иекке тағуды доғарып, онымен мұрынды жабу арқылы дұрыс қолдануды ұсынады.

Сондай-ақ, оның айтуынша, үйдегі алғашқы медициналық көмек қобдишасын толықтырып, әдеттегі керекті дәрі-дәрмектерді алдын-ала сатып алған жөн.

Дәріханалар коронавирустың таралу нүктесі болуы мүмкін. Аурудың бастапқы кезеңінде адамдар парацетамол үшін дәріханаға баратынына күмәнім жоқ. Сол арада түшкіріп-пысқырады, ал оның артында кезекте бетпердені иекке тағып алғандар инфекцияны жұқтырып, оны ары қарай таратады. Биология ғылымдарының докторы, Джордж Мейсон университетінің жүйелік биология мектебінің профессоры Анча Баранова