Денсаулық сақтау министрінің міндетін Жандос Бүркітбаев атқаратын болды

Кадрлық тағайындау Сурет: primeminister.kz
Бұл туралы ҚР Денсаулық сақтау министрлігінің баспасөз қызметі мәлім етті, деп хабарлайды Zakon.kz
ҚР Денсаулық сақтау министрінің міндетін атқару Қазақстан Республикасының Денсаулық сақтау вице-министрі Жандос Қонысұлы Бүркітбаевқа жүктелсін. ҚР Премьер-министрінің өкімі

Жандос Бүркітбаев 2021 жылдың 22 қаңтарынан бастап ҚР Денсаулық сақтау вице-министрі қызметін атқарып келеді.

Жандос Бүркітбаев 1972 жылы 27 ақпанда Жамбыл облысында дүниеге келген.

Білімі, мамандығы (біліктілігі), лицензиялары:

* Асфендияров атындағы мемлекеттік медициналық университеті (1996) – "Емдеу ісі" мамандығы;

* Л.Н.Гумилев атындағы ЕҰУ (2003) – "Мемлекеттік және жергілікті өзін-өзі басқару" мамандығы;

* Оңтүстік Қазақстандағы медициналық академия (2007) – "Фармация" мамандығы ;

* Қазақстан медициналық университеті ҚДЖМ (2018) – Денсаулық сақтау магистрі;

* "Тұран-Астана" университеті (2020) – "Құқықтану" мамандығы.

Еңбек өтілі:

Еңбек жолын 1996 жылы Алматы қалалық жедел медициналық көмек клиникалық ауруханасының дәрігерінен бастады. Содан кейін Алматыдағы республикалық апаттар медицинасы орталығында дәрігер болып жұмыс істеді.

1999-2004 жылдары – Қазақстан Республикасы Денсаулық сақтау министрлігінің түрлі құрылымдық бөлімшелерінде жұмыс істеді, бас маманнан бөлім меңгерушісіне дейінгі лауазымдарды қатарынан атқарды.

2007-2008 жылдары – Қазақстан Республикасы Парламенті Мәжілісінің Әлеуметтік-мәдени даму комитетінің қызметін қамтамасыз ету бөлімі меңгерушісінің орынбасары болып жұмыс істеді.

2008 жылы Астана қаласындағы «Қан орталығы» ШЖҚ РМК директоры.

2011-2019 жылдары – «Ғылыми-өндірістік трансфузиология орталығы» ШЖҚ РМК директоры.

2019-2021 жылдары – «Ұлттық ғылыми онкология орталығы» ЖШС басқарма төрағасы, Нұр-Сұлтан қаласында Ұлттық ғылыми онкологиялық орталықты құру және салу жөніндегі жобалық топтың жетекшісі.

2021 жылғы 22 қаңтардан бастап Қазақстан Республикасы Денсаулық сақтау вице-министрі лауазымына тағайындалды.

20 желтоқсанда Мемлекет басшысы Қасым-Жомарт Тоқаев Алексей Цойды Денсаулық сақтау министрі қызметінен босатты.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз