Бақытгүл Хаменованың неліктен тергеу изоляторына қамалғаны белгілі болды

22 желтоқсан қарсаңында Атырау облыстық сотының қылмыстық істер жөніндегі сот алқасы прокурордың өтініші бойынша Хаменованы үй қамауына алу туралы қаулысының күші жойылды. Нәтижесінде облыс әкімінің орынбасары екі айға қамауға алынды.

Сот алқасы Хаменованың санкциясы 7 жылдан 12 жылға дейін бас бостандығынан айыруды көздейтін ауыр сыбайлас жемқорлық қылмыс жасады деп күдіктенгенін назарға алған. Басшылық қызметте отырғаны және осы өңірде ықпалды әрі әлеуметтік байланыстары болғандықтан, ол процеске қатысушыларға және істі объективті тергеп-тексеруге қысым көрсетуі мүмкін. Атырау облыстық сотының баспасөз қызметі

12 желтоқсанда Атырау облысы әкімінің орынбасары Бақытгүл Хаменованың ұсталғаны белгілі болды. Ол Атырау қаласында Абай ескерткішін жасау және орнату бойынша Мемлекеттік сатып алу шартын жасасқаны үшін ЖШС басшысынан 145 млн теңге сомасында пара алды деген күдікке ілінді.

Еске сала кетейік, Хаменова әкім орынбасары лауазымына 2020 жылдың наурыз айында тағайындалған болатын.

Оқи отырыңыз

Пара алу және беру қылмысы бойынша Алматы мен Астана көш бастап тұр

13:30, 27 наурыз 2023

Жемқорлықпен сотталған Алматы экология департаментінің қызметкерлері 265 млн теңге айыппұл төлеуі керек

14:19, 20 наурыз 2023

"Астана – көгалдандыру құрылысы" ЖШС бас директорына 185 миллион теңге мөлшерінде айыппұл салынды

10:17, 10 наурыз 2023