Алматы – Қорғас тас жолында 17 көліктің қатысуымен жаппай жол апаты орын алды

Алматы – Қорғас тас жолы Сурет: Zakon.kz
Алматы облысында Алматы – Қорғас тас жолында жаппай жол апаты орын алып, 17 көлік зардап шекті, деп хабарлайды Zakon.kz

Оқыс оқиға орнынан түсірілген видео Instagram-да жарияланды.

Zakon.kz редакциясы түсініктеме алу үшін облыстық полиция департаментіне хабарласты.

25 желтоқсанда сағат 10:00 шамасында Алматы – Қорғас автожолының 134 шақырымында ауа райының қолайсыздығынан, атап айтқанда, қалың тұман салдарынан 17 автокөліктің қатысуымен жол апаты орын алды. Алматы облысы ПД баспасөз қызметі

Жол апатынан зардап шеккен бес адам Шелек ауылындағы ауруханаға жеткізілді.

Оқиға орнында патрульдік полиция жасақтары жұмыс істеп жатыр. Тас жолдың 84-тен 136 шақырымға дейінгі аралығы көліктер үшін жабық. Алматы облысы ПД баспасөз қызметі

Құзырлы ведомство жүргізушілерге ескерту жасады.

Құрметті жүргізушілер, сіздерден қозғалыс кезінде барынша мұқият әрі сақ болуларыңызды сұраймыз! Жылдамдық режимін, қауіпсіз қашықтықты және маневр жасау ережелерін мүлтіксіз сақтауды еске саламыз!

0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз