Әділбек Жақсыбеков Қазақстан футбол федерациясының президенті қызметінен кетті
Сурет: Қазақстан футбол федерациясы
Комитетте қауымдастық мүшелері ұсынған ҚФФ президенті лауазымына сайлауға қатысуға кандидаттардың құжаттары қаралды. Сайлау 2022 жылдың 28 ақпанында ҚФФ конференциясында өтеді. ҚФФ президенті Әділбек Жақсыбековтің кандидатурасы сайлауға қатысудан бас тартуына байланысты тіркелмеді.
Отырыс нәтижесінде алдағы сайлауға қатысу үшін келесі кандидаттар тіркелді:
Бәрменқұлов Әділет Назарбайұлы – ҚФФ атқарушы комитетінің мүшесі, «Қазақстан футбол федерациясы» қауымдастығы ҚФ президентінің кеңесшісі;
Жарылқасинов Ерлан Еркінбекұлы – «Қазақстандық футбол жанкүйерлер лигасы» ҚБ төрағасы;
Қаниев Берік Сералыұлы – ҚФФ Атқару комитетінің мүшесі, «Lancaster Group Kazakhstan» АҚ Директорлар кеңесінің төрағасы;
Лория Давид Григорьевич – «Нұр-Сұлтан қаласының футбол федерациясы» қауымдастығы» заңды тұлғалар бірлестігінің президенті;
Оразбеков Қайрат Айтмолдаұлы – ҚФФ атқару комитетінің мүшесі, «Қайрат» ҚФ президенті.
Қазақстан футбол федерациясының президенті қызметінен кетуіне байланысты еліміздің футбол қауымына үндеу жасады.
ҚФФ мүшелерінің басым бөлігі мені қолдайтынын білдіріп, кандидат ретінде ұсынғанына қарамастан өзім жаңа сайлауға қатыспаймын деп шештім. Менің ойымша, федерация төрағалығынан бас тартудың уақыты келді. ҚФФ президенттігіне қанша лайық үміткерлер бар, қараңызшы? Сонымен қатар алдағы сайлауға қазақ жұртшылығы қызығушылығын танытып жатыр.Әділбек Жақсыбеков
Оның айтуынша, федерацияның жоғары беделін, футболға деген үлкен қызығушылығын, оның дамуының игілігі үшін жұмыс істеуге дайын екенін айту да адамның үлкен құлшынысын білдіреді. Бұл да — федерацияның кейінгі жылдардағы жұмысының жемісі.
Үміткерлердің барлығын жақсы білемін. Олармен көп жыл бойы бірге жұмыс істедік. Федерация мүшелері лайық президентті сайлайтынына сенімдімін және барлық үміткерлерге алдағы сайлауда сәттілік тілеймін.Әділбек Жақсыбеков
Ол өзінің барлық әріптестеріне, лауазымды тұлғаларына, футболшыларына, жаттықтырушыларына, ФИФА мен УЕФА серіктестеріне алғысын білдірді.
Мен жанкүйерлерге осы тамаша ойынға деген сүйіспеншілігі үшін алғыс айтқым келеді. Қазақстан футболының алға қарай дамып келе жатқанына сенімдімін! Мен оның адал жанкүйері болып қала беремін.Әділбек Жақсыбеков
Әділбек Жақсыбеков 1954 жылы шілдеде Бөрлі ауылында (Қостанай облысы Қарабалық ауданы) дүниеге келген.
Еңбек жолы:
Ақмола облысы әкімінің бірінші орынбасары (10.1996-12.1997);
Ақмола қаласының әкімі (12.1997-16.06.2003);
ҚР Индустрия және сауда министрі (16.06.2003-12.2004);
ҚР Президенті Әкімшілігінің Басшысы (08.12.2004-23.01.2008);
ҚР Президентінің кеңесшісі (23.01.2008-13.10.2008);
ҚР Қорғаныс министрі (25.06.2009-04.2014);
ҚР Мемлекеттік хатшысы (02.04.2014-22.10.2014);
Астана қаласының әкімі (22.10.2014-06.2016);
ҚР Президенті Әкімшілігінің Басшысы (21.06.2016, өкілеттігі 07.07.2017-10.09.2018 ж. дейін ұзартылған);
«ҚазТрансГаз» АҚ Директорлар кеңесінің төрағасы (11.2020 ж. бастап).
Ол Қазақстан футбол федерациясының президенті болып екі рет сайланды: 2007-2014 және 2018 жылдың ақпаны.
