«Маугли» балалар: сот тергеуі аяқталды
Сурет: Instagram/ poiskoviki_pvl_vita
Іс жүргізу нәтижесінде Екібастұз қаласы ІІБ жергілікті полиция қызметі бастығының орынбасары С.Көжелдақов қызметінен босатылса, қызметтік тергеу барысында Екібастұз қаласы білім бөлімінің басшысы С.Майдисаров отставкаға кетті.Павлодар облысы әкімдігінің баспасөз қызметі
Екібастұз қаласы әкімінің орынбасары М.Маликоваға, Ақсу қалалық ауруханасының дәрігерлік амбулаториясының ЖТД меңгерушісі Б.Нұралдиноваға және Екібастұз қаласы Теміржол министрлігінің аудандық бөліміне Б.Кишеваға қатаң сөгіс жарияланды.
Екібастұз қаласы білім бөлімінің бас маманы Н.Байғұрманова, Ақсу қалалық ауруханасының директоры М.Мұқашев, «Жеңілдік» ӨК учаскелік дәрігері М.Алханова, «Жеңілдік» ӨК учаскелік медбикелері А.Сманқұлова және А.Жұмалиденова сөгіс алды.
Екібастұз қаласының №2 емханасының учаскелік дәрігері Н.Аждарова мен учаскелік медбикесі Б.Ботагөзоваға сөгіс жарияланды.
Екібастұз қалалық жергілікті полиция бастығы Т.Құдайбергеновке қызметтік міндеттерді мүлтіксіз орындау жайында ескерту жасалды. Екібастұз қалалық ІІБ бастығы Қ.Шақарғалиев қарамағындағылардың жұмысындағы кемшіліктерге тоқталды.
Еске сала кетейік, Екібастұздағы пәтерлердің бірінен волонтерлар 2014, 2016, 2017 және 2018 жылы туған төрт нәрестені тапқан еді. Кейіннен Облыстық денсаулық сақтау басқармасы олардың жағдайы қандай екенін айтты.
Балалардың барлығы ауырады, жүре алмайды. Қыздың іші үлкен болып ісіп кеткен. Ұлдардың бірі екі күннен бері құсып жатыр. Ал екі үлкен баланың аяқ-қолы қисайып кеткен. Балалар үш күннен бері тамақ ішпеген. Дәрігерлер пәтерге дереу барып, балаларды анасымен бірге шұғыл түрде ауруханаға жатқызды. Киім-кешек, аяқ киім болмағандықтан балаларды қолдан келгенше бүркеп, киіндіріп, үйден алып шықты.Еріктілер
Екібастұз қаласының әкімдігінің мәліметінше, балалардың анасы 1994 жылы туған. Ал балалардың әкесі жұмыс істемейді.
