Украина Ресеймен бейтарап статус туралы келіссөздер жүргізуге дайын – БАҚ

Украина, Ресей, Қазақстан, сурет - Zakon.kz жаңалық 25.02.2022 15:11

Сурет: Украина президентінің ресми интернет-өкілдігі

Владимир Зеленский кеңсесі басшысының кеңесшісі Михаил Подоляк Украинаның бейтарап келіссөздерге дайын екенін мәлімдеді, деп хабарлайды Zakon.kz.

«Украина келіссөз жүргізуге кеңістік қалдырып келді және қалдырады да. Соның ішінде қазіргідей Ресей толық ауқымды шабуылға шыққан кезде де. Бұл соғысты тоқтату қажет. Бұл әскери іс-қимылдарды тоқтату керек», — делінген Украина президенті кеңсесі басшысының кеңесшісі Михаил Подоляктің мәлімдемесінде.

Ол Украина бейтарап статус туралы келіссөздер жүргізуге дайын екенін, бірақ қауіпсіздік кепілдігі берілуі керек екенін айтты.

Бүгін Мәскеуден олардың не айтқысы келетінін естідік. Егер бейтарап статус туралы сөйлескісі келсе, мұндай талқыдан қорқып отырған жоқпыз. Мәселе Украинаның қауіпсіздігіне кім және қалай кепілдік беретінінде, – деді Михаил Подоляк.

24 ақпанда Ресей президенті Владимир Путин ресейліктерге жолдаған үндеуінде Донбаста арнайы әскери операция жүргізілетінін хабарлады.

Соғыс басталғаннан кейін Владимир Зеленский Украинаға қарсы соғысты тоқтатуға шақырды.

Украина Ресеймен дипломатиялық қарым-қатынасын үзді - Зеленский

25 ақпанда Украина президенті Батыс елдері берген уәдеге қарамастан, ел өз мемлекетін қорғауда жалғыз қалды деп мәлімдеді.

Украинадан қазақстандықтар арнайы рейспен 26 ақпанға қараған түні ұшып келеді

Оқи отырыңыз