Зерттеу: бизнес саласында әйелдер көбейіп жатыр

бизнес Сурет: pixabay
Басшысы әйел жеке кәсіпкерлердің саны бір жылда 9,1%-ға өсіп, 2021 жылдың соңында 625,1 мыңға жетті, деп хабарлайды Zakon.kz.

Ranking.kz-тің зерттеуінше, Қазақстанда 9,84 миллион әйел өмір сүреді. Бұл бір жыл бұрынғыдан 1,2%-ға көп. Мұндай көрсеткіш республика халқының 51,4%-ына тең.

Әйелдердің еңбек нарығындағы орны:

Қазақстанның еңбек нарығында әйелдердің салмағы зор. Мысалы, экономикалық белсенді халықтың 48,5%-ы әйелдерден тұрады. Сонымен қатар елдегі барлық жұмыспен қамтылғандардың 48,1%-ы және барлық қызметкерлердің 48,9%-ы – әйелдер.

Кәсіптегі орны:

Жеке кәсіпкерлікте де әйелдердің орны бар. Басшысы әйел жеке кәсіпкерлердің саны бір жылда 9,1%-ға өсіп, 2021 жылдың соңына қарай 625,1 мыңға жетті. Олардың жеке кәсіпкерлердің жалпы санындағы үлесі де жылына 47,4%-дан 49%-ға дейін өсті.

Жас қыз-келіншектер жеке кәсіпкерлікте де белсенді болып жатыр. Атап айтқанда, жетекшісі 29 жасқа дейінгі әйел болған белсенді жеке кәсіпкерлердің саны бір жылда 37,2%-ға өсіп, 88,7 мыңға жетті. Белсенді жас кәсіпкерлердің жалпы санындағы мұндай кәсіпкерлердің үлесі 43,4%-дан 46,4%-ға өсті.

Шағын және орта бизнес туралы айтатын болсақ, мұнда әйелдердің де салмағы бар. Әйелдер басқаратын ШОБ субъектілерінде жұмыспен қамтылғандар саны 2021 жылдың басына қарай – 1,1 млн адам. Бұл көрсеткіш жалпы санның 31,1%-ына тең. Жалпы әйелдер кәсіпкерлігінің Қазақстанның жалпы ішкі өніміне қосқан үлесі шамамен 40%.

Оның үстіне, былтыр төртінші тоқсанда Қазақстандағы жұмыссыздық деңгейі 4,9% болса, ерлер арасында бұл көрсеткіш 4,1%. Ал әйелдерде 5,1%.

Білім саласындағы орны:

Елімізде әйелдер ерлерге қарағанда әлдеқайда білімді деуге болады. Мысалы, елімізде әйелдер арасында жоғары оқу орындарына жалпы қабылдау пандемияға дейін 73,2% болса, ерлер арасында бұл көрсеткіш небәрі 61,1%. Зерттеуші мамандар арасында да 52,4%-ы әйелдер, ал қалған 47,6%-ы ерлер.

Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз