Гурбангулы Бердімұхамедов ұлынан демалысқа жіберуін сұрады

Түрікменстан президенті, Түрікменстан, демалыс Сурет: Instagram.com/gurbanguly_berdymuhamedov_01
Министрлер кабинетінің отырысында Гурбангулы Бердімұхамедов Сердар Бердімұхамедовке жеке өтініш білдірді, деп хабарлайды Zakon.kz.
«Өздеріңіз білесіздер, менің басшылық қызметте жүргеніме 40 жыл, ал саясатпен айналысқаныма 25 жыл болды. Осы уақыт ішінде жұмыстың көптігіне байланысты толық тыныға алмадым»,  – деген экс-президент ұлынан 1 сәуірден бастап еңбек демалысын беруді сұрады.

Ол демалыста жаңа кітаптарын аяқтайтынын, сондай-ақ халықаралық шараларға дайындалатынын атап өтті.

Еңбек демалысы кезінде қызметтік міндеттерін уақытша атқаруды орынбасары Қасымғұлы Бабаевқа тапсыруды сұрады.

Сердар Бердімұхамедов, «Түрікменстан хроникасы» сайтының жазуынша, бұл өтінішті қанағаттандырды.

Еңбек демалысының мерзімі көрсетілмеген.

Еске салайық, 15 наурызда Сердар Бердімұхамедов Түркіменстанның жаңа президенті болып сайланды. Сайлауда ол 72,97% дауыс жинады.

Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз