Қазақстан Ресейге қарсы санкцияларға қосылуға ниетті емес – ҚР СІМ

Сұқбат Сурет: primeminister.kz
Бұл туралы ҚР Сыртқы істер министрі Мұхтар Тілеуберді мәлімдеді, деп хабарлайды Zakon.kz.

Министр «Хабар 24» телеарнасына берген сұқбатында Қазақстан бейбітсүйгіш мемлекет екенін, кезінде өз еркімен ядролық арсеналынан да бас тартқанын еске салды. Сондай-ақ ол Қазақстанның халықаралық қарым-қатынастағы даулы мәселелердің де бейбіт шешімін жақтау тұрғысында берік ұстаным ұстанатынын нығырлап жеткізді.

Біздің мемлекет келіссөздер, соның ішінде дипломатия арқылы Ресей-Украина шиеленісінің бейбіт жолмен тезірек шешілуінен үмітті. Шиеленістің алғашқы күндері Қасым-Жомарт Тоқаев Ресей президентімен де, Украина президентімен де телефон арқылы сөйлесіп, тараптарды мәселені бейбіт жолмен шешу жолдарын қарастыруға әрі келіссөздерді бастауға шақырды, - деді ол.
Біздің еліміз БҰҰ Қауіпсіздік Кеңесінің қарарлары бойынша салынған санкцияларды есептемегенде, мемлекетаралық қатынастарда қысым көрсету құралы ретінде санкцияларды қолдануға дәстүрлі түрде қарсы. Тәжірибе көрсетіп отырғандай, кез келген экономикалық немесе саяси санкцияларды қолдану халықаралық даулар мен жанжалдарды шешудің ең тиімді тәсілі болып табылмайды, сондықтан Қазақстан Ресей Федерациясына жасалып жатқан санкциялық қысымға қосылуға және қандай да бір жолмен Ресей мүддесіне селкеу түсіретін және біздің әріптестігіміздің рухына қайшы келетін қандай да бір қадамдар жасауға ниетті емес. ҚР СІМ басшысы Мұхтар Тілеуберді
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз