Қарағандыда пакет ішінен табылған нәрестеге қатысты тың мәлімет жарияланды
Сурет: pixabay
Арада екі күн өтсе де пакет жатқан маңайдан күдікті әйел табылмаған. Полиция көкек ананы әлі іздеп жатыр. Пакеттегі сәбидің денесінен ешбір зорлық- зомбылық белгілері байқалмаған. Тұрғындар европалық нәсілдегі балпанақтай ұл баланың жаңа ғана дүниеге келгенін кесілген кіндігінен-ақ анық білген. Қара пакетті Еленаның ұлы кешкісін өз гаражының бұрышынан тауып алған. Шошығанынан жақындары мен полицияны қоса шақырады. Әйелдің айтуынша, бұл маңайда күдікке ілінерлік ешкім жоқ. Жалпы куәгерлер қорқынышты пакет бұл маңайға қар суымен ағып келуі мүмкін, - деп болжайды. Олардың ойынша нәрестені анасы даладағы ағын суға лақтырып жіберуі мүмкін, делінген Астана телеарнасының сюжетінде.
Ымырт жабылған кез болатын. Ұлым гаражға келгенде пакетті көріп ашып қалған. Тыр жалаңаш баланы көргенде шошып кетіпті. Дереу полицияға хабарластық. Бұл маңайдан біреу тастады деп ойламаймын. Куәгер Елена
Әп-сәтте жедел жәрдем де жеткен. Алайда сәбиді құтқару мүмкін болмаған. Шетінеп кетіпті.
Бүкіл ықшам ауданның суы осы жерге құйылады. Баланың денесі сол қар суымен ағып келуі мүмкін. Оның үстіне пакеттың аузы мұқият жабылған болды. Сәбиін тастаған адам сау емес, психикалық сырқат деп ойлаймын. Жануардың өзі күшігін өлтірмейді ғой. Куәгер Виктор
Полиция екі күнен бері көкек ананы іздеп жатыр. Бірақ әлі таппады.
Аталған факт бойынша ҚР ҚК- нің 100- інші бабы, яғни «жаңа туған сәбиді анасының өлтіруі бойынша қылмыстық іс қозғалды. Тергеу амалдары жүргізілуде. Қарағанды облыстық ПД ресми өкілі Бақытжан Құдияров
