Министр жаңа облыстарды құруға жұмсалатын бюджет есептеліп жатқанын мәлімдеді

Қазір жұмыс жалғасуда. Ал жаңа облыстар құрылып, қаулыға қол қойылғаннан кейін жаңа облыстардың әкімдері тағайындалады. Әрі қарайғы жұмыстарды әкімдер қазір қайта құрылып жатқан облыстардың әкімдерімен бірлесіп жүргізетін болады. Одан кейін 2023-2025 жылдарға арналған бюджетті қалыптастыру кезінде келесі жылға қажетті қаражат қарастырылып, қажет болған жағдайда үкіметтің резервінен ақша бөлінеді. Қазақстан Республикасының Ұлттық экономика министрі Әлібек Қуантыров

Ұлттық экономика министрлігінің басшысы жаңа өңірлерді құруға арналған бюджет «есептелгенін» атап өтті, дегенмен ол қанша сома көзделгенін атаған жоқ.

Еске салайық, 16 наурызда Мемлекет басшысы Қасым-Жомарт Тоқаев парламент палаталарының бірлескен отырысында сөйлеген сөзінде Қазақстанда үш жаңа облыс – Абай, Ұлытау және Жетісу облыстары құрылатынын айтқан болатын.

Кейін Әлібек Қуантыров жаңа облыстар 2022 жылдың бірінші жарты жылдығының соңына қарай құрылатынын нақтылады.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023