Ақтөбеде 16 жастағы оқушы анасын өлтірді деген күдікке ілінді

Ақтөбеде 16 жастағы оқушы қыз мен оның 19 жастағы танысы анасын өлтірді деген күдікке ілінді. Ақтөбе облысының полиция департаментінің мәліметінше, олар уақытша ұстау изоляторына қамалды, деп хабарлайды Zakon.kz.

Аталған факті бойынша сотқа дейінгі тергеу амалы басталды. Қылмысты кодекстің 99-бабы «Адам өлтіру» бойынша тергеу амалдары жүргізіліп жатыр. Екі күдікті (16 жастағы мектеп оқушысы мен оның танысы 19 жастағы жігіт) уақытша ұстау изоляторына қамалды.Ақтөбе облысы Полиция департаменті баспасөз қызметі

Ведомствода нақтылағандай, ұсталғандар мектеп оқушысының анасын өлтірді деген күдікке ілінген.

Қылмыстық істі тергеп-тексеру шеңберіндегі өзге мәліметтер жария етілмейді.Ақтөбе облысы Полиция департаменті баспасөз қызметі