Қостанайлық полицей үш баласы бар әйелді пәтерге орналастырып, құжатын рәсімдеуге көмектесті

Учаскелік полицей тұрғындардың шақыртуымен бір мекенжайға барады. Тұрғындардан «көршілеріміз шулайды» деген хабарлама түскен. Келген бойда Оңайбек Оразақов кәмелетке толмаған үш баласы бар әйелді көреді.

Әйел балаларды жалғыз тәрбиелеп жатқанын айтқан. Тұратын жер болмағандықтан жалғызбасты ана досына бірге тұруды өтінген.

Балалы әйелді көргенде қалыс қала алмадым. Баланың үлкені небәрі төрт жаста, кішісі алты айлық. Бірінші кезекте баспана мәселесін шешуді ойладым. Жатақханадан бөлме жалдап, балалы әйелді орналастырдым, – дейді полиция қызметкері.

Сонымен қатар полицей әйелдің отбасына ең қажет азық-түлік өнімдерін алып берген. Полиция қызметкерінен бөлек жанашыр жандар да табылыпты.

Әйел жәрдемақы алады. Бірақ белгілі себептермен осы айда ақша түспеді. Сондықтан БЖЗҚ-ға жүгініп, құжаттарын рәсімдеуге көмектестім, – деді қостанайлық полицей Оңайбек Оразақов.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023