Ерлан Алдажұманов Ұлттық қауіпсіздік комитеті төрағасының орынбасары болып тағайындалды

Сурет: Zakon.kz

Қасым-Жомарт Тоқаевтың өкімімен Ерлан Алдажұманов жаңа қызметке тағайындалды, деп хабарлайды Zakon.kz.

Бұл туралы Ақорда сайтында жарияланды.

Мемлекет басшысының өкімімен Ерлан Ерғалиұлы Алдажұманов Қазақстан Республикасы Ұлттық қауіпсіздік комитеті Төрағасының орынбасары – Шекара қызметінің директоры лауазымына тағайындалды, – делінген хабарламада.

Ерлан Алдажұманов 1966 жылы 26 наурызда Семейде (Семей облысы) дүниеге келген.

1987 жылы Ф.Е.Дзержинский атындағы жоғары шекаралық командалық училищені бітірген.

Шекара заставасы, шекара отрядтары бастығының орынбасары, облыстық басқарма бастығының орынбасары, өңірлік басқарманың шекара бөлімшелері командирінің орынбасары қызметтерін атқарған.

2014 жылғы қарашадан бастап Қазақстан Республикасы ҰҚК Шекара қызметі директорының бірінші орынбасары - Бас штабының бастығы болған.

Оқи отырыңыз