ҚР-дағы Ресейдің еншілес банктерінің бұғатталған ақшасына қатысты түсінік берілді

Қазақстандағы Ресейдің еншілес банктері Сурет: Zakon.kz
Ресейге қарсы санкциялар енгізілген сәттен бастап Қазақстандағы Ресейдің "еншілес" банктері шоттарындағы 9,2 млрд теңге бұғатталды, деп хабарлайды Zakon.kz.

Бұл туралы ҚР Қаржы нарығын реттеу және дамыту агенттігінің сыртқы коммуникациялар басқармасы хабарлайды.

ҚР Қаржы нарығын реттеу және дамыту агенттігі ақпараттық ресурстарда, агенттікке сілтеме жасай отырып, Ресейдің еншілес банктерінде қазақстандықтардың қаражатын бұғаттау туралы дәйексіз ақпараттың таратылып жатқандығы туралы хабарлайды. Агенттік қаржы реттеушісі ретінде Ресейдің еншілес банктерінде клиенттердің қаражатын оқшаулау бойынша ешқандай шаралар қабылдаған жоқ және қабылдауға құқылы емес. ҚР Қаржы нарығын реттеу және дамыту агенттігінің сыртқы коммуникациялар басқармасы

Құзырлы ведомства агенттіктің Ресейдің еншілес банктерінен (Сбербанк Қазақстан АҚ, Альфа-Банк Қазақстан және Банк ВТБ Қазақстан) алған ақпараты бойынша, шетелдік банктер банктердің шетелдік корреспондент-банктердегі шетел валютасындағы корреспонденттік шоттарындағы қаражаттарын бұғаттағанын жеткізді.

Сонымен шетелдік корреспондент-банктердегі Ресейдің еншілес банктерінің  оқшауланған қаражатының қалдықтары 9,2 млрд теңгені құрайды, оның  2,7 млрд теңгесі – Сбербанк Қазақстан қаражаты, 6,2 млрд теңге – Альфа-Банк Қазақстан қаражаты және 0,3 млрд теңге – Банк ВТБ Қазақстан қаражаты.

Бұдан басқа, шетелдік корреспондент-банктер Сбербанк Қазақстан клиенттерінің 2,9 млрд теңге сомаға және  Альфа-Банк Қазақстан клиенттерінің 3,9 млрд теңге сомаға төлем операцияларын бұғаттаған.  Қазіргі уақытта банктер клиенттерге контрагент банктермен келіссөздер жүргізу және тиісті өтініштерді дайындау арқылы олардың қаражатын қайтаруға жәрдем көрсетуде. ҚР Қаржы нарығын реттеу және дамыту агенттігінің сыртқы коммуникациялар басқармасы

Өз тарапынан Агенттік банктермен бірлесіп, Ресейдің еншілес банктері клиенттерінің бұғатталған қаражатын қайтаруға байланысты жағдайды қадағалайтын болады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз