Ақтөбеде құрылыс алаңынан 12 жастағы баланың мәйіті табылды

Ақтөбеде жаңа салынып жатқан нысанның аумағынан көптеген жарақаттары бар 12 жасар баланың денесі табылды. Бұл туралы Ақтөбе облысының полиция департаменті мәлім етті, деп хабарлайды Zakon.kz.

9 маусымда Есет батыр тұрғын алабындағы №3 ықшамаудандағы салынып жатқан нысандардың бірінің аумағынан 12 жастағы жасөспірімнің денесі табылды. Алдын-ала болжам бойынша жануардың талауынан зорлық-зомбылық белгілері (қансырау, басындағы, кеудесіндегі, аяқ-қолдарындағы көптеген жарақаттар) бар кәмелетке толмаған баланың табылуына қатысты қылмыстық іс қозғалды.Ақтөбе облысы ДП баспасөз қызметі

Ведомствода аталған факті бойынша бірқатар сот-медициналық сараптамалар тағайындалғанын атап өтті.

Қазір тергеу амалдары жүріп жатыр. Ақтөбе облысы ПД баспасөз қызметі