«Қызыл кітапқа» енген қара ләйлек Шығыс Қазақстанда камераға түсіп қалды

Сурет: pexels

Марқакөл мемлекеттік табиғи қорығының қызметкерлері Топольник өзені аймағында сирек кездесетін құстың видеосын бөлісті. Видео ұлттық парктің Instagram желісіндегі парақшасында жарияланды, деп хабарлайды Zakon.kz.

Қара ләйлек Беларусь, Болгария, Қазақстан, Өзбекстан, Украина, Тәжікстан және Ресейдің «Қызыл кітабына» енген.

Марқакөл мемлекеттік табиғи қорығының қызметкерлерінің айтуынша, құс Марқакөл суының барлық жерінде тіршілік ететіні байқалады. Урунхайка ауылының жергілікті тұрғындары мен қонақтары ауыл маңындағы көлдің жағасынан қара ләйлекті көре алады.

Қара ләйлек Марқакөл көліне көктемде сәуірдің ортасы мен мамырдың басында келеді. Кейбірі кешірек маусым айының басына дейін келеді. Көп құстың күзгі көші-қоны тамыздың аяғында, қыркүйектің басында басталады.Марқакөл қорығының баспасөз қызметі