Футболдан Ұлттар лигасында Қазақстан Беларусьпен тең түсті

Абат Айымбетов Сурет: kff.kz
Үшінші турдан кейін Қазақстан бір ұпаймен Словакияны басып озып, көш бастап келеді. 13 маусымда қазақстандықтар басты қарсыласы – словактармен кездеседі, деп хабарлайды Zakon.kz.

Футболдан UEFA Ұлттар лигасының үшінші турында Қазақстан сырт алаңда кезекті ойынын өткізді. Бұл жолы серб қаласы Нови-Садта Беларусь командасымен кездесті.

Ойын барысында қазақстандық футболшылар тізгінді өз қолына алуға тырысты. Нәтижесінде бірінші кезеңнің 13-минутында Абат Айымбетов мергендігімен көзге түсті. Бұл - Абаттың аталған турнир барысында соққан үшінші голы. Бұдан бұрын өз алаңындағы Әзербайжанмен кездесуде ол қос голдың авторы атанған болатын.

Екінші кезеңде Беларусь құрамасы таразы басын теңестіруге ұмтылды. Ойынның 85-минутында беларусьтік Владислав Малькевич гол соғып кетті.

Кездесуде 1:1 есебімен ойын тең түсті.

Енді Қазақстан 13 маусымда өз алаңында Словакияны қабылдайды.

Үш ойыннан кейін Қазақстан 7 ұпаймен көш басында келеді.

Айта кетсек, бұдан бұрын С лигасы үшінші тобында Қазақстан Әзербайжан мен Словакияны 1:0 есебімен тізе бүктірді.

Еске салсақ, аталған топта өз алаңында Әзербайжан Словакияға 0:1 есебімен жол берді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз