Ақжарқын Тұрлыбай ісі бойынша қамалған нигериялық Қазақстанға экстрадицияланады

Қазақстан, Қытай, Нигерия, есірткі контрабандасы, сурет - Zakon.kz жаңалық 22.06.2022 13:36

Сурет: ҚР ІІМ баспасөз қызметі

Бұған дейін қазақ қызы Ақжарқын Тұрлыбайдың ісі бойынша Нигерияда есірткі контрабандасына қатысы бар күдікті ұсталғаны белгілі болған еді. Бұл туралы ҚР Ішкі істер министрлігі мәлім етті, деп хабарлайды Zakon.kz.

20 маусымда Нигерияда Интерполдың Қазақстан Республикасы ІІМ-дегі Ұлттық Орталық бюросының сұрауы бойынша ҚР ҚК 259-бабының 2-бөлігінде көзделген қылмыс (есірткі құралдарын немесе психотроптық заттарды заңсыз дайындау, қайта өңдеу, сатып алу, сақтау, тасымалдау, жөнелту немесе өткізу) жасағаны үшін халықаралық іздеуде жүрген Адиндо Нонсо Фортуне ұсталды.Қазақстан Республикасы ІІМ баспасөз қызметі

Ведомствоның мәліметінше, қазіргі уақытта оны қамауда ұстау және Қазақстанға одан әрі экстрадициялау туралы одан әрі процессуалдық шешім қабылдау мақсатында қажетті материалдар Интерполдың Нигерия ҰОБ-на жолданды.

20 маусымда Ақжарқын Тұрлыбайдың адвокаты Сұңқар Нұрмағамбетов күдікті Нигерия азаматы шетелде ұсталғанын хабарлады. Бұған дейін оған халықаралық іздеу жарияланған болатын.

Еске салсақ, Ақжарқын Тұрлыбай 2014 жылы Гуанчжоу әуежайында ұсталды. Ол есірткі контрабандасы үшін айыпталып, өмір бойына бас бостандығынан айырылды.

2015 жылы Қазақстан Республикасының Ішкі істер министрлігі Нигерия азаматына қатысты қылмыстық іс қозғады.

Оқи отырыңыз