Жаңалықтар тізбегі
0

Павлодар облысында мал суғаратын көлді жалға беріп жіберген

көл, сурет - Zakon.kz жаңалық 01.07.2022 11:07 Сурет: primeminister.kz
Павлодар облысы, Баянауыл ауданы, Құндыкөл ауылының тұрғындары осы ауылдағы жалғыз көлге мал суғарады, суын егінге пайдаланады. Енді осы Құндыкөл жалға беріліп, жан-жағы қоршалып жатыр. Жергілікті тұрғындарға мал суаруға, шомылуға және балық аулауға тиым салмақ, деп хабарлайды Zakon.kz.

Ал жергілікті билік бұл мәселеден бейхабар. Құндыкөлде 500 ден аса адам тұрады. Ауылдың негізгі тіршілігі – мал шаруашылығы.

Ауыл тұрғындарының айтуынша, осы маңдағы бүкіл мал осы көлден су ішеді. Басқа маңайдағы көлдер сасып кеткен. Жауын да жоқ. Енді көл маңына мал суартпаймыз деп, қоршап қойған.

Құндыкөл былтыр жалға берілген. Бірақ конкурс ұйымдастырылғанын ауыл әкімі де, аудан әкімшілігі де білмеген. Өйткені құжатта басқа көл көрсетілген, деп хабарлады Qazaqstan ұлттық арнасы.

Құмдыкөл деп келді. Құмдыкөл деген ол Біржанкөлдің арғы жағында. Бәріміз сол көлді конкурсқа қойып отыр деп ойладық. Көлді берген кезде халықпен кездесу өткізілмеген. Сондықтан халық білмеген, біз де білген жоқпыз.Құндыкөл ауылының әкімі Самат Ибраев

Конкурсқа шығарып, ауылды көлден айырған – өңіраралық балық инспекциясы. Ондағылардың айтуынша, заңда қоғамдық тыңдау өткізу немесе елді мекен тұрғындарын құлақтандыру қарастырылмаған.

Жергілікті жерде балық шаруашылығын дамыту арқылы қосымша жұмыс көзі пайда болады. Көлдерді бекітудің тағы бір пайдасы –заңсыз балық аулау фактісінің алдын алуы.Облыстық жер қойнауын пайдалану, қоршаған орта және су ресурстары басқармасы басшысының орынбасары Сағын Төлеутаев

Басқарма көлді енді кері қайтара алмаймыз айтып отыр. Кәсіпкер заң талабын бұзған жағдайда ғана бұл мәселе қарастырылуы мүмкін. Ал халықтың арыз талабы бойынша облыс әкімдігі ғана шешім қабылдай алады.

Кейіннен көлді жалға алған кәсіпкер журналистерге хабарласып, тұрғындардың малын суаруға кедергі келтірмейтінін, көлді қоршамайтынын айтқан.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: