Алматыда 50 мыңнан астам жұмыс орны ашылады

жұмыс, сурет - Zakon.kz жаңалық 07.07.2022 18:44

Сурет: Алматы әкімдігі

Алматыда еңбек нарығындағы жағдай тұрақты. Бұл туралы Орталық коммуникациялар қызметінің алаңында сөйлеген сөзінде қала басшысы мәлімдеді, деп хабарлайды Zakon.kz.

Алматыда жұмыссыздық деңгейі 5,1% болды. Жыл басынан бері 17,1 мың жұмыс орны, оның ішінде 7,3 мың тұрақты жұмыс орны ашылды.

Еңбек ресурстарын барынша тартуды қамтамасыз ету үшін жаңа сапалы жұмыс орындарын құру бойынша жүйелі шараларға көшу жоспарланып отыр. Биыл 52,2 мың жұмыс орны ашылады, оның 70%-ы тұрақты, – делінген Алматы әкімдігінің хабарламасында.

Бірінші жартыжылдықта 803,8 млн.теңгеге 19,4 мың адамға атаулы әлеуметтік көмек көрсетілді (28,3 мың адамға барлығы 4 млрд. теңге).

Мүгедектерді оңалту құралдарымен және қызметтерімен 2,6 млрд теңгеге 15,8 мың адам қамтамасыз етілген.

Оқи отырыңыз