«Қосаяқты атқан». СҚО-да аңшы байқаусызда серігін атып алды

Сурет: Zakon.kz

2022 жылдың 6 тамызында Шал ақын ауданы Неждановка ауылының жанындағы орман алқабында қайғылы оқиға орын алды, деп хабарлайды Zakon.kz.

Айыртау ауданының тұрғыны аң аулап жүрген. Бір уақытта көзіне түскен қосаяққа оқ атқан. Оның қолында тіркеуде бар аңшы мылтығы болған. Оқтың бір бөлігі оның серіктесіне, сондай-ақ жергілікті тұрғынға тиген.

Ер адам алған жарақатынан оқиға орнында көз жұмды.

Аталған факті ҚР ҚК 99-бабының 1-бөлігі "Адам өлтіру" бойынша сотқа дейінгі тергеудің бірыңғай тізілімінде тіркелді. Қазіргі уақытта тергеу амалдары қолға алынды, олардың нәтижесі бойынша түпкілікті процессуалдық шешім қабылданатын болады. СҚО ПД баспасөз қызметі

Бұл осы өңірде орын алып отырған осындай қайғылы бірінші жағдай емес. Шілде айының ортасында жидек теруге шыққан әйел де адасқан оқтан қаза тапқан еді. Оны аңшы атып өлтіріп алған.

Оқи отырыңыз