Мұғалімдерге «Ұстаздық қызметіне адалдығы үшін» құрмет белгісі тағайындалады

Министрліктің мәліметінше, аталған құрмет белгісі 25 жылдан астам еңбек өтілі бар ұстаздарға тағайындалады.

Оқу-ағарту вице-министрі Шолпан Каринованың айтуынша, мемлекет басшысы педагогтерді қолдауға ерекше көңіл бөліп отыр. Қазір министрлік президенттің тапсырмасы бойынша жалақыны көбейту, мұғалімдерді есеп беруден және міндетіне жатпайтын артық функциялардан босату бойынша жұмыс жүргізіп жатыр.

Қазір салалық ынталандыру жүйесін бекіту туралы бұйрыққа өзгерістер енгізуге бастама жасадық. «Ұстаздық қызметіне адалдығы үшін» құрмет белгісі мектепке дейінгі, орта, техникалық және кәсіптік, орта білімнен кейінгі және қосымша білім беру ұйымдарының педагогтеріне беріледі. Төсбелгі 25 жылдан астам уақыт бойы ұстаздық еткен мұғалімдерге беріледі. Осылайша, өз ісіне адал, өскелең ұрпақты тәрбиелеу мен оқытуға зор үлес қосып жүрген ұстаздарды ынталандырғымыз келеді, – деді Оқу-ағарту вице-министрі Шолпан Каринова.

Оқи отырыңыз

Шымкентке олимпиадаға келіп ауруханадан бір-ақ шыққан оқушылар: Дәрігерлер түсінік берді

19:57, 27 наурыз 2023

Ербол Тілешов Тіл саясаты комитетінің төрағасы болып тағайындалды

13:00, 27 наурыз 2023

Түркістан облысының оқушысы "ақылды" ферма жобасын жасап шықты

17:40, 23 наурыз 2023