"Қызыл кітапқа" енген арқар Маңғыстауға оралды

Арқар Сурет: видеодан скриншот
Үстірт арқары Үстірттің солтүстік шыңына қайта оралды. Қазақстан биоалуантүрлілікті сақтау қауымдастығының (ASBK) сайтында Қазақстанның "Қызыл кітабына" енген жануардың видеосы жарияланды, деп хабарлайды Zakon.kz.

Қауымдастық хабарламасында Үстірт арқары (уриал) Қазақстанның оңтүстік-батысында және Түркіменстан мен Өзбекстанның іргелес аймақтарында мекендейтін эндемик тау арқарының кіші түрі екені айтылған.

Қазақстанда арқардың негізгі мекендейтін жері - Үстірттің батыс шыңы. Кейінгі 30 жылда Маңғыстау облысынан тыс жерде бұл сирек тұяқты жануар байқалмады. Бірақ қазір бұл түр Қазақстанда да мекендейтін болған сияқты. Тау арқары солтүстік пен шығыстағы Үстірт жартастарына қоныстанып жүр, - деп жазды Қазақстан биоалуантүрлілікті сақтау қауымдастығы.

Сонымен қатар 2018 жылдан бастап Желтау және Доңызтау шұңқырларында (Атырау және Ақтөбе облыстарының аумағы) камера қақпандары жануарларды тіркей бастағаны айтылды.

Мұнда тоқтылар мен буаз аналықтар әлі байқалмады, яғни бұл жерде арқарлар тұрақты өмір сүрмейді деген сөз. Дегенмен болашақта олар бұл жерлерге көбею үшін де қоныстана бастауы мүмкін.

Жақында Үстірт мемлекеттік табиғи резерватының камерасына түсіп қалған сирек кездесетін жануарлардың тағы бірі – дала сілеусіні.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз