ҰҚШҰ-ның Бас хатшысы Арменияның Әзербайжанмен шекаралас аумағына келді

ҰҚШҰ, Армения, Әзербайжан Сурет: odkb-csto.org
22 қыркүйекте ҰҚШҰ Бас хатшысы Станислав Зас Вайоцдзор облысының Әзербайжанмен шекаралас ауданына барды, деп хабарлайды Zakon.kz.

ҰҚШҰ-ның ресми сайтында хабарланғандай, Станислав Зас Армения қарулы күштерінің байланыс шебінде орналасқан бөлімшелерінің командирлерімен, жергілікті билік өкілдерімен кездесті.

Сондай-ақ оқ атылған жерлерді аралап, ұрыс қимылдарына қатысқан әскери қызметкерлермен әңгімелесті.

Ұйымның Бас хатшысы бастаған ҰҚШҰ миссиясы Арменияға 13 қыркүйекте өткен ҰҚШҰ Ұжымдық қауіпсіздік кеңесінің кезектен тыс отырысының шешіміне сәйкес келді.

Миссия құрамына Ұйымның жұмыс органдарының қызметкерлері болып саналатын ҰҚШҰ-ға мүше мемлекеттердің өкілдері кіреді.

Миссияға қазіргі жағдайды бағалау, ҰҚШҰ-ға мүше мемлекеттердің басшыларына аймақтағы жағдай туралы егжей-тегжейлі баяндама дайындау және Армения мен Әзербайжан шекарасындағы жекелеген аудандарда туындаған шиеленісті бәсеңдету бойынша ұсыныстар әзірлеу міндеті жүктелді.

21 қыркүйекте ҰҚШҰ Бас хатшысы қақтығысты деэскалациялау мақсатында Арменияға келді.

Арменияның Қауіпсіздік кеңесі Әзербайжанмен шекарадағы қақтығыстың шиеленісуі салдарынан 207 адам қаза тапқанын және хабарсыз кеткенін хабарлаған. Армения жағы Әзербайжан қарулы күштерінің 36 елді мекенді атқылағанын мәлімдеді.

17 қыркүйекте Әзербайжан министрлігі шекарадағы жағдайдың ушығуы салдарынан 80 азаматының қаза тапқанын, 281 адамның жараланғанын хабарлады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз