Ұлттық банк "Мир" карталарына қызмет көрсету жөніндегі жағдайға түсініктеме берді

Ұлттық банк, "Мир" картасы, Ресей, Қазақстан Сурет: Zakon.kz
Қазақстан заңнамасы қазақстандық банктердің "Мир" карталарын қабылдауына шектеу қоймайды. Клиенттер бұл карталарды пайдалана алады. Бұл туралы Ұлттық банктің баспасөз қызметі 23 қыркүйекте Zakon.kz тілшісінің сауалына берген жауабында мәлімдеді.
Қазақстандық банктер операциялық және қаржылық қызметін дербес жүзеге асырады, төлем жүйесінің операторларымен іскерлік қарым-қатынастар орнатады, сондай-ақ банктік қызметтерді көрсетуге, оның ішінде "Мир" карталарын шығару мен қызмет көрсетуге қабылдауға байланысты мәселелер бойынша шешімдер қабылдайды. Ұлттық банктің баспасөз қызметі

21 қыркүйекте Halyk Bank-тің баспасөз қызметі банкоматтар желісінде "Мир" картасына қызмет көрсету тоқтатылғанын хабарлады. Банктің POS-терминалдарын пайдалана отырып, "Мир" төлем жүйесінің карталарымен қолма-қол ақшасыз төлемдер әлі де қабылданып жатыр.

"Береке" банкінің баспасөз қызметі банк карталарына қызмет көрсетуде ешқандай өзгеріс жоқ екенін айтты. Бұл – "Мир" картасының иелері банкоматтан ақшаны еркін шеше алады деген сөз.

Кейбір шетелдерде "Мир" картасының қызметі тоқтатылды. Айтпақшы, вьетнамдық банктер "Мир" карталарымен жұмысын тоқтатты.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз