Елорда атауының өзгеруіне байланысты оқулықтар қайта басып шығарылмайды

Сурет: Zakon.kz

Оқу-ағарту министрі Асхат Аймағамбетов елорданың атауын өзгертуге және Қазақстанда жаңа аймақтардың қалыптасуына байланысты мектеп оқулықтарын қайта басып шығару мәселесіне қатысты пікір білдірді, деп хабарлайды Zakon.kz.

Министр 2016, 2017, 2018 жылдары оқулықтар көптеп шыққанын, балалар елорданың атын білетінін атап өтті.

Сонымен қатар Оқу-ағарту министрі Қазақстанда жаңа Абай, Жетісу, Ұлытау өңірлерінің құрылуына байланысты оқулықтарды қайта шығарудың қажеттігін көріп отырған жоқ.

Бізде оқулықтарды қайта шығару кезеңі бар. Қайта шығару циклі деп атауға болады. Осы цикл бойынша жарияланғанда немесе оқу бағдарламалары жаңартылған кезде бұл мәселелер ескеріледі. Бірақ оқулықтарды жаңа облыстардың құрылғаны үшін, санын өзгерту үшін қайта басып шығару қажеттілігі жоқ деп ойлаймын.Асхат Аймағамбетов

Министр мұндай мәселе күн тәртібінде жоқ деп түйіндеді.

Оқи отырыңыз