Астанада гүл сататын дүңгіршекке қарақшылық шабуыл жасалды

Полицияның “102” арнасына белгісіз ер адам пышақпен қорқытып, кассадан ақша алып кеткендігі туралы хабарлама келіп түсті.

Жәбірленушінің айтуынша, сағат 23.40-та дүңгіршекке ер адам кіріп, ақша талап етіп, сатушыға пышақ көрсеткен. Сонан соң үстелден кілттерді алып, есікті құлыптап, жарықты сөндірген. Осы уақытта әйел дабыл түймесін басып үлгереді. Ер адам оны иығынан пышақпен жарақаттап, 20 мыңнан астам теңгені алып, “ізін суытқан”.

Күдіктіні ұстауға дереу полицияның жеке құрамы бағытталды. Белгілері бойынша қылмыскердің суреті жасалды. Қылмыс куәгерлерін анықтау үшін аулаларға шолу жүргізілді. Полиция қызметкерлері қылмыс орнының периметрі бойынша орнатылған бейнекамералар арқылы қылмыскердің ізіне түсті. Жедел уәкілдердің қажырлы жұмысы сәтті аяқталып, күдікті тұрғылықты жері бойынша ұсталды. Астана қалалық ПД баспасөз қызметі

Ол 25 жастағы қала тұрғыны болып шықты. Ұсталған азамат уақытша ұстау изоляторына қамалды.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023