Тоқаев: Ірі кәсіпорындар талапқа сай келмесе, серіктестікті тоқтатуға мәжбүр боламыз

ҚР президенті, Қарағанды, өнеркәсіптік кәсіпорын, сурет - Zakon.kz жаңалық 05.10.2022 11:36

Сурет: primeminister.kz

Мемлекет басшысы Қасым-Жомарт Тоқаев 5 қазан күні Қарағанды халқымен кездесуде мемлекет елімізде жұмыс істейтін барлық ірі өндіруші компаниялардың қызметін жіті бақылайтынын атап өтті, деп хабарлайды Zakon.kz.

Біз капиталды шетелге заңсыз шығаруға жол бермейміз. Олардың түрлі әлеуметтік бағдарламаларды жүзеге асыруын қадағалап отырамыз. ҚР президенті Қасым-Жомарт Тоқаев

Президент өндірісті жаңғырту үдерісіне, экологияны қорғау ісіне ерекше назар аударылатынын, салық төлемақысы ерекше бақылауда екенін айтты. Мемлекет басшысы "егер ірі өнеркәсіп кәсіпорындары бұл талаптарға сай келмесе, біз серіктестікті тоқтатуға мәжбүр болатынымызды" баса айтты.

Бұл – ешқандай қорқыту емес, керісінше бүкіл өркениетті әлемде қабылданған қарапайым, адал және әділ жұмыс ережелері.Қасым-Жомарт Тоқаев

Ол "Қазақстанда олигархтық капитализмнің заманы өтіп, ел азаматтарының алдындағы әлеуметтік жауапкершілікті сезінетін кезең жеткенін" тағы бір мәрте еске салды.

Оқи отырыңыз