Мемлекет басшысы Қарағанды облысын дамытудың 8 бағытын атады
Сурет: Қарағанды әкімдігі
5 қазанда Қарағанды облысы жұртшылығы алдында сөйлеген сөзінде президент Қарағанды облысын дамытудың басымдықтарын айқындады:
Өңдеу өнеркәсібін қолдау.
Өңірдің транзиттік-тасымал әлеуетін арттыру.
Моноқалаларды дамыту.
Экологиялық жағдайды жақсарту.
Өнеркәсіп кәсіпорындарда қауіпсіз еңбек жағдайларын қамтамасыз ету.
Сумен қамтамасыз ету және ауыл шаруашылығын дамыту.
Білім беру, денсаулық сақтау, спорт және мәдениет инфрақұрылымын дамыту.
Облыс орталығын дамыту.
Мемлекет басшысы қарағандылық кеншілерге алғысын білдірді. Терең кеніште жұмыс істеу, болат балқыту, жанып жатқан пештің қасында тұру оңай шаруа емес екенін баса айтты.
Бұған дейін мемлекет басшысы Қарағанды қаласын дамытудың бас жоспарын жаңартуды тапсырған еді. Қасым-Жомарт Тоқаевтың айтуынша, 2007 жылдан бері қолданылып келе жатқан қаланы дамытудың бас жоспары ескірген.
