Amanat партиясының Шымкент қалалық филиалы Жолдауды жүзеге асыру төңірегінде жастармен пікірлесті
Сурет: Шымкент әкімдігі баспасөз қызметі
Жолдауының үшінші бағытында жас ұрпақтың денсаулығын нығайту, сапалы білім алуы мен жұмыспен қамту және жас кәсіпкерлерді қолдау жөнінде айтылған. Кездесу барысында Мұратәлі Оразалыұлы мемлекет басшысы жастарға көп үміт артып отырғанын, әділетті қоғам құруда жас буынның рөлі үлкен екенін жеткізді.
Сурет: Шымкент әкімдігі баспасөз қызметі
Қазақстанның әділетті мемлекет болуының негізін құраушы буын – жастар. Сондықтан болар мемлекет басшысы «Әділетті мемлекет. Біртұтас ұлт. Берекелі қоғам» атты Жолдауында жастарды қолдайтын бастамаларға көбірек мән берді.
Сурет: Шымкент әкімдігі баспасөз қызметі
Дамыған елдердің тарихына үңілсеңіз алдымен жастарға көбірек көңіл бөліп, олардың саналы тәрбие мен сапалы білім беруді қолға алғанын байқаймыз. Президентіміз Қасым-Жомарт Кемелұлы Жаңа Қазақстанды құруда жас буынға үміт артқаны Жолдауда айқын көрініс тапты. Қазір жоғары оқу орнын аяқтаған жас түлектерді жұмысқа орналасу мәселесі алаңдататыны рас. Жастарға жан-жақты қолдау мемлекетіміздің басты міндеттерінің бірі екенін айтып, келесі жылы 100 мың жастыҢ жұмыспен қамтылатынын жеткізді. Жас кәсіпкерлерге қолдау көрсету мақсатында оларға жеңілдетілген тәртіппен 2,5 пайыз болатын шағын несие берілетінін мәлімдеді. Алдағы уақытта еліміздегі шағын бизнесте жастардың тың бастамаларымен жаңа деңгейге көтерілетініне нық сенімдімін. Берекелі қоғамның бастауы, әділетті мемлекеттің негізі де жастар, - деді Мұратәлі Қалмұратов.
Сурет: Шымкент әкімдігі баспасөз қызметі
Айта кетсек, бүгінде жастармен бірлесе президент Қасым-Жомарт Тоқаевтың Жолдауындағы маңызды мәселелерді іске асыру жөнінде түрлі іс-шаралар ұйымдастырылуда. Мұндай пікірлесу алаңы қала жастары арасында мемлекет тарапынан жасалатын мүмкіндіктерді терең насихаттауға жол ашады.
