30 миллионнан астам ақшасы бар мемлекеттік қызметкер қаржыны банк шотына салуы керек

ақша, қаржы, теңге Сурет: Zakon.kz
Жалпыға бірдей декларация аясында АЕК-тің 10 000 еселенген мөлшерінен асатын (30,6 млн теңгеден астам) қолма-қол ақша банк шоттарына салынуға тиіс, деп хабарлайды Zakon.kz.

Алматы бойынша Мемлекеттік кірістер департаменті 2023 жылдың 1 қаңтарынан бастап жалпы декларациялаудың екінші кезеңі басталатынын хабарлады. Алматы қаласының мемлекеттік органдары мен квазимемлекеттік секторының 100 мыңнан астам қызметкері және олардың жұбайлары 250.00 нысаны бойынша активтері мен міндеттемелері туралы алғашқы декларацияны алғаш рет тапсырады.

МКД мемлекеттік мекемелерге білім беру, мектепке дейінгі білім беру, денсаулық сақтау, мәдениет, спорт және т.б. салалардағы мекемелер мен ұйымдар кіретінін түсіндірді.

Квазимемлекеттік сектор – мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде ұлттық басқарушы холдингтер, ұлттық холдингтер, мемлекет қатысушысы немесе акционері болып табылатын ұлттық компаниялар, оларға байланысты еншілес, тәуелді және өзге де заңды тұлғалар.

"Бастапқы декларацияда Қазақстаннан тысқары жерлердегі мүлік пен мүліктен басқа, заңды тұлғаның жарғылық капиталындағы үлесі, инвестициялық алтын, бағалы қағаздар және тағы басқа лимиттен аспайтын сома АЕК-тің 10 000 еселенген мөлшерінде (30 630 000 теңге) қолма-қол ақша көрсетіледі. Ал асып кеткен сома 2022 жылдың 31 желтоқсанына дейін банк шоттарына салынуға тиіс", - деп түсіндірді ведомство.

Декларацияны eSalyq Azamat мобильді қосымшасы, электронды үкімет порталы (eGov.kz), салық төлеушінің кеңсесі (cabinet.salyk.kz) арқылы тапсыруға болады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз