ШҚО тұрғыны жүргізуші куәлігін 1,2 млн теңгеге сатып алмақ болған

Өскеменде жүргізуші куәлігін 1,2 млн теңгеге сатып алмақ болған, сурет - Zakon.kz жаңалық 30.11.2022 17:16

Фото: unsplash

ШҚО-да әйел бейтаныс адамға жүргізуші куәлігін алуға 1,2 млн теңгеден астам қаражат берген, деп хабарлайды Zakon.kz.

Polisia.kz таратқан ақпаратқа сай, Өскемендегі Ертіс ПБ-ның кезекші бөліміне 38 жастағы қала тұрғынынан өтініш түскен. Ол жүргізуші куәлігін қысқа мерзімде жасауға уәде берген бейтаныс адамның көмегіне жүгінген. Көлік құралын басқаруға рұқсат беретін "құжат" сомасы шамамен 1 млн 240 мың теңге болған.

"Криминалдық полиция қызметкерлері күдіктіні анықтаған. Ол - Шемонаиха ауданының 54 жастағы тұрғыны. Тәртіп сақшылары оны полиция бөліміне жеткізген, ол жауап алу кезінде бұл әрекетін мойындаған".Polisia.kz

Қазір аталған факті бойынша сотқа дейінгі тергеу жүргізіліп жатыр.