Қарағанды облысында электр қуатын жеткізушілер оның тарифін көтеруге тырысқан

Сурет: Zakon.kz

ҚР Сыбайлас жемқорлыққа қарсы күрес инспекциясы Қарағанды облысы бойынша 2,5 млрд теңге ықтимал шығынмен электр энергиясы тарифін көтеру әрекетінің жолын кесті. Бұл туралы агенттіктің профилактикалық қызметінің басшысы Саян Ахметжанов айтты, деп хабарлайды Zakon.kz.

Орталық коммуникациялар қызметінде өткен брифингте ҚР Сыбайлас жемқорлыққа қарсы іс-қимыл агенттігінің профилактикалық қызмет басқармасының басшысы Саян Ахметжанов мекеме мамандары жүргізген мониторинг қорытындысы бойынша электр қуатына тарифті көтеру әрекеті жасалғаны белгілі болды.

"Қарағанды облысында электрмен жабдықтаушы ұйымдардың өндірушіден бағаның көтерілгенін растайтын шот-фактурасы болмаған. Уәкiлеттi органмен бiрлесiп қабылданған шаралардың нәтижесiнде баға өсiмiнiң болжамды деңгейiн төмендету бойынша шешiм қабылданды. Осылайша, облыс халқы биыл қазан айынан 2023 жылдың қазан айына дейін жалпы сомасы 2,5 млрд теңге болатын электр энергиясы үшін тарифтен тыс ақы төлеуден сақталды.Саян Ахметжанов

Сонымен қатар оның айтуынша, халық үшін негізсіз қымбаттау фактілерінің болуына байланысты Балқаш қаласының тұрғындары үшін жалпы сомасы шамамен 133 млн теңгеге және сумен жабдықтау және су бұру қызметіне 92 млн теңгеге жылумен жабдықтау қызметтеріне төмендетілген өтемдік тариф енгізілген.

Оқи отырыңыз